Бидејќи ова е едно од најздравите меса, пожелно е што почесто да е на вашата трпеза!
Мисиркиното месо не е толку застапено на нашата трпеза како пилешкото, а е исклучително здраво и треба што почесто да се внесува во исхраната. Со други зборови, тоа е „супер-храна“, која може да се конзумира без да се размислува кога и колку сме ја јаделе, како и со што сме ја комбинирале. Мисирка во неутрален сос од павлака и копар ќе ги воодушеви сите вистински гурмани, а подготовката никогаш не била полесна.
Состојки:
- 500 гр мисирка
- 500 мл крем за готвење,павлака
- 70 гр путер
- 1 кромид
- 2 чешниња лук
- 2 ловорови листови
- 1 грст копар
- 1 лажица масло
- сол, бибер
Подготовка:
Мисирката исечкајте ја на поголеми парчиња, добро зачинете со сол и бибер, прелијте со лажица масло и сè убаво втријте го во месото. На врел путер пропржете го месото, па кога ќе порумени извадете го на топла чинија.
Во истото тавче додадете ситно сечкан кромид и лук и ловоров лист, па динстајте додека кромидот убаво да омекне и да стане стаклен. Доколку е потребно, истурете малку топла вода.
Кога кромидот доволно ќе омекне, вратете го месото во тавата заедно со сокот од чинијата и сè прелијте со кисела павлака. Варете уште пет минути на умерен оган, а потоа посипете со сецкан свеж копар. Послужете со прилог по ваш избор или сезонска салата.
Пријатно!
