Бидејќи ова е едно од најздравите меса, пожелно е да се најде на вашата трпеза што почесто!
Мисиркиното месо не е толку вообичаено на нашата трпеза како пилешкото, а е исклучително здраво и треба што почесто да се внесува во исхраната. Со други зборови, тоа е „супер-храна“, која може да се конзумира без да се размислува кога и колку сме јаделе, како и со што сме ја комбинирале. Мисирка во сос од неутрална павлака и зачин ќе ги воодушеви сите вистински гурмани, а подготовката никогаш не е поедноставна.
Состојки:
- 500 гр мисирка
- 500 мл павлака за готвење
- 70 гр путер
- 1 кромид
- 2 чешниња лук
- 2 ловорови листови
- зачин, магдонос
- 1 лажица масло
- Сол, бибер
Подготовка:
Мисирката исечкајте ја на поголеми парчиња, добро посолете и побиберете, па прелијте со една лажица масло и сè убаво втријте го во месото. На загреан путер пропржете го месото, а кога ќе порумени извадете го на топла чинија.
Во истото тавче додадете ситно сечкан лук,кромид и ловоров лист, па динстајте додека кромидот убаво да омекне и да стане стаклен. Истурете малку топла вода доколку е потребно.
Кога кромидот е доволно омекнат, вратете го месото во тавата заедно со сокот на чинија и сè прелијте со кисела павлака. Варете уште пет минути на средна температура, а потоа посипете со сецкан свеж зачин. Послужете со прилог по ваш избор или сезонска салата.
Пријатно!
