Поради ароматичните адитиви како спанаќот и пармезанот, вака подготвеното пилешко ќе биде сосема поинакво од сите што досега сте ги пробале …
Состојки:
- 2 стека
- 150 гр спанаќ
- сирење моцарела
- 1 главица кромид
- 2 чешниња лук
- 5 лажици пармезан
- 2 шолји презла
- 60 гр путер
- маслиново масло
- сол и бибер
- босилек
- 1 излупен домат или сос од домат
Подготовка:
Пржете го кромидот во малку маслиново масло. Кога ќе омекне, додадете лук и спанаќ и динстајте додека спанаќот не омекне, околу три до пет минути. Зачинете со сол и бибер. Се лади, па се додава сечканата моцарела и пармезанот.
Пилешкото исечкајте го на еднакви шницли, па врз секоја ставете дел од смесата и виткајте ги во ролат. Ако сакате да бидете сигурни дека полнењето нема да истече, користете чепкалки за заби.
Во помал сад ставете ја презлата и во неа виткајте го пилешкото. Се редат на огноотпорен сад, па врз секој ролат се додава по едно парче путер.
Направете сос од домати, измешајте излупен домат, две лажици маслиново масло, едно чешне лук, босилек, сол и бибер. Ставете го на дното на тавата, а потоа потопете го пилешкото во сосот. Посипете го остатокот од сирењето моцарела и печете додека не порумени, околу половина час на 180 степени.
Пријатно!