Еве решение доколку немате идеја што да готвите и не сакате да губите време во кујната.
Комбинацијата од бело месо и зеленчук е нешто што никогаш не треба да го пропуштите. Вкусот ќе ве воодушеви, а кога ќе видите колку лесно се прави, ќе го вклучите во вашето редовно мени.
Состојки:
- 500 гр пилешко филе
- 20 мл масло
- 1 пиперка
- 100 гр печурки
- 5 јајца
- 150 мл крем за готвење
- 150 гр тврдо сирење
- 1 домат
- сил и бибер, црвен пипер
Подготовка:
Месото исечкајте го на коцки, посолете, забиберете и посипете со пиперка, а потоа истурете го маслото и убаво измешајте. Истурете ги јајцата во сад, посолете и побиберете, па изматете ги.
Додадете го кремот за готвење и соединете. Истурете го целото месо и измешајте, па додајте ги сечканите печурки и пиперката. Сè убаво измешајте, па истурете во огноотпорен сад кој претходно сте го подмачкале со масло.
Одозгора посипете рендано сирење и ставете ги доматите кои претходно сте ги исечкале на прстени. Печете околу половина час на 180 степени.
Пријатно!
