Пилешкото подготвено на овој начин ќе стане вашиот омилен ручек!
Кога немате идеја што да готвите, пилешкото е секогаш добро решение. Досега сте го подготвувале на разни начини, на скара, пржено… Пробајте го овој рецепт за бело месо во кремаст сос, нема да зажалите! Морковите се додаваат онолку колку што има месо. Навистина е сочно и се распаѓа во устата. Послужете со пире од компири.
Состојки:
- 600 гр пилешко филе
- 600 гр моркови
- 1 кромид
- 2 чешниња лук
- околу 700 мл бистра супа
- 1 ловоров лист
- магдонос
- 2-3 лажици маслиново масло
- 250 мл крем за готвење/павлака
Подготовка:
Месото исечкајте го на ленти или коцки, па посолете и побиберете. Пропржете го кратко на масло, па извадете го од тавата. Во истото тавче додадете исечкан кромид и лук, а кога малку ќе се испржи додадете морков исечкан на прстени.
Потоа во морковите додадете ја супата и зачините. Гответе додека морковите не омекнат, а потоа истурете го кремот за готвење и промешајте убаво. Во таа смеса вратете го месото. По потреба зачинете уште малку и варете уште 10 минути.
