Во продолжение дознајте како ефтино и лесно да направите вкусна чорба од колбас!
За една од омилените класици на сите маси ви го пренесуваме рецептот на познатиот готвач Роман Паулус, чија вештина и умешност е наградена со Мишелин ѕвезда. Оваа брза верзија на чорба од колбаси со компири не е воопшто комплицирана за правење, а ќе уживате во вкусен оброк кој воопшто не чини многу.
Потребни состојки:
- 300 гр кромид
- 500 гр колбас
- 3 супени лажици масло
- 4 чешниња лук
- 100 гр домати
- 2 лажици слатка пиперка
- 1 литар пилешка супа
- 300 гр компири
- чили по вкус
- 1 лажичка мелен ким
- 150 мл вода
- 2 лажици брашно
Подготовка:
Кромидот исечкајте го и пропржете го на масло, па додадете го колбасот кој претходно е излупен од лушпата и ситно исецкан, па пропржете уште 5 минути.
Потоа додадете сечкан лук и пржете уште 5 минути. Потоа додадете го доматниот сос и измешајте. По 2 минути додадете слатка пиперка и мелен ким и промешајте.
Внимавајте да не изгори слатката пиперка. По 2 минути, истурете ја супата и сецканите компири. Покријте и варете 10 минути. Потоа во сад измешајте ги водата и брашното, па истурете ги во останатите состојки кои се варат. Додадете сол, бибер и измешајте. Гответе уште 10 минути и послужете.
Пријатно!
