Компирите и месото од тавата е стар начин на подготовка на ручек кој сме го заборавиле. Вака нашите мајки го подготвуваа ручекот кога подоцна се враќаа од работа.
Состојки:
- 1 кг свинска плешка
- 3 големи компири
- сол
- бибер
- масло или маст
Подготовка:
Посолете го месото и ставете го во тава на врело масло да порумени. Внимателно свртете го од едната, потоа од другата страна. Потоа исчистете ги и зачинете ги компирите и исечете ги на парчиња.
- Advertisement -
Додадете ги во топлата маст каде што се готви месото. Намалете ја температурата, па покријте со капак. Одвреме-навреме вртете ги и компирите и месото од едната и од другата страна додека се убаво да порумени. И за кратко време имате брз и вкусен ручек.
Пријатно!
