Ви носиме вистински гурмански рецепт за роловано пилешко со сланина.
Ако вашето пилешко често излегува дека е суво и не знаете како да го подготвите за сочно, тогаш ова е вистинскиот рецепт за вас.
Роловано пилешко се подготвува насекаде низ светот, печено или варено, се полнат со разни филови, се полнат поголеми или помали парчиња месо, а најдобро од се, може да го подготват и почетниците во кујната. Ова е вкусен и обилен ручек кој секој ќе го сака.
Состојки:
- 500 гр пилешко месо
- 150 гр кисела павлака
- 200 гр шунка
- 100 гр кулен
- 150 гр сирење
- 200 гр панцета
- сол, бибер
Подготовка:
Пилешкото исечкајте го на тенки шницли, а потоа исчукајте го со чекан за месо. Листовите сланина наредете ги хоризонтално на алуминиумската фолија, а потоа спуштете го месото и зачинете се по вкус.
Пилешкото премачкајте го со павлака, па наредете ја шунката, куленот и посипете со рендано сирење. Виткајте го месото со фолијата, па со фолијата ставете го во огноотпорна тава и во рерна на 200 степени околу 45 минути.
Кон крајот извадете ја фолијата, па оставете го пилешкото уште пет минути да се испече и да се зарумени.
Пријатно!