На прославите сите прво земаат кифлички и солени колачи, па направете го овој со спанаќ и крем сирење.
Се чини дека подготовката е комплицирана, а не е. Само треба да измешате спанаќ, јајца и сирење. Истурете ја во тавче и печете, па премачкајте со крем сирење и наредете ја шунката. Од оваа количина ќе добиете 2 ролати, а може да послужите и солена торта, како и слатки печурки од варени јајца и домати.
Состојки:
- 900 гр замрзнат спанаќ
- 6 јајца
- 500 гр рендано сирење
- 350 гр крем сирење
- 400 гр шунка сечена на листови
Подготовка:
Одмрзнете го спанаќот и измешајте со јајцата. Добро соединете. Истурете во плех обложен со хартија за печење. Посипете со рендано сирење и печете на 180 ° C околу 20 минути.
Готовата кора се премачкува со крем сирење и се сече на половина. Префрлете ги во алуминиумска фолија и ставете одозгора шунка. Замотајте. Над алуминиумската фолија ставете ја проѕирната фолија и оставете ја во фрижидер најмалку 8 часа.
Пријатно!