Одличен, вкусен и здрав оброк со атрактивна зелена боја, полн со витамини и минерали како и едноставно брз за подготовка.
Без разлика дали ќе го послужите како дополнување на главното јадење или како самостоен оброк, ова јадење ќе ги воодушеви сите.
Состојки:
- 350 гр. спанаќ
- 100 гр. брашно
- 2 лажици густин
- 2 чешниња лук
- 5 јајца
- 150 гр. шунка
- малку сол, црн бибер
- малку масло за готвење
Подготовка:
Спанаќот добро исчистете го, измијте го, добро исцедете го и исечкајте го на ситни лентички. И лукчето исечкајте го.
Со помош на миксер, белките изматете ги во цврст снег. Притоа додадете прстофат сол. Жолчките пак измешајте ги со сечканиот лук, посолете и запиперете.
Во брашното додајте го густинот, додадете ги жолчките, мешајте и постепено додавајте од изматените белките. Мешајќи додадете ги и лентичките спанаќ.
Рерната загрејте ја на 160 степени. Плехот за печење обложете го со мрсна хартија за печење. Смесата рамномерно распоредете ја во плехот и печете околу 15 до 18 минути.
Врз испеченото тесто наредете парчиња шунка и формирајте ролат. Оставете го да се олади, исечкајте парченца и послужете ги како дополнување на главното јадење.
Добар апетит!
Извор: migusto.mk
