Подгответе кралско гарнирче што одговара добро и со печење и со зеленчук или крем сос.
Состојки:
- 1 литар млеко
- ½ лажицa сол
- 250 гр гриз од пченица
- 150 гр пармезан
- 2 жолчки
- 3 лажици путер
- 1 прстофат пиперка или чили
- 2 лажици пармезан за посипување
Подготовка:
Истурете го млекото во сад и додадете го солот, загрејте го до вриење.
Кога ќе се појават меурчиња, додадете гриз од пченица, мешајќи околу 20 секунди.
Потоа, намалете го огнот и продолжете со мешање додека не се згусне, а потоа тргнете го од оган.
Измешајте путер, рендан пармезан и жолчки, но брзо промешајте за да избегнете згрутчување на жолчките.
Вака варената смеса ставете ја во плиток плех претходно натопен во ладна вода и сето тоа ставете го во фрижидер половина час додека смесата не стане цврста.
Со чаша натопена во брашно, исечете ги круговите и ставете ги на плех покриен со хартија за печење. Потоа посипете ги њоките со чили и остатокот од пармезанот и рендан кашкавал по желба. Одозгора ставете парченце путер или маргарин на секоја од њоките.
Печете ги њоките околу 20 минути во рерна загреана на 210 степени целзиусови.
На здравје!