Пробајте нешто различно! Подгответе еден поинаков ручек и изненадете ги најблиските.
Состојки:
- 1 чаша ориз
- 1 главица кромид
- 1 морков
- 200 мл. сок од домати
- сол по вкус
- суви билни зачини по вкус
- масло по потреба
- 1 лимон
За полнење:
- 8 пиперки
- 2 јајца
- 1 лажица сусам
- 500 гр. фета сирење
- масло по потреба
- магдонос по вкус
Начин на подготовка:
На врело масло пропржете сечкан кромид и ситно изрендан морков. Потоа додадете го измиениот ориз, промешајте и кратко пропржете.
Истурете го сокот од домати и чаша вода, зачинете по вкус, па варете, повремено мешајќи.
Кога речиси целата течност ќе испари, тргнете ја тавата од оган, поклопете и оставете оризот да продолжи да нарасне.
Целите пиперки пропржете ги на врело масло од сите страни, па кога малку ќе омекнат извадете ги на хартиена крпа.
Лесно напечете го сусамот во тава, па додајте го во изгмеченото сирење. Додадете ги јајцата и сè добро измешајте.
Исечете ги пиперките по должина и секоја наполнете ја со мешавина од сирење, јајца и сусам. Наредете ги полнетите пиперки преку рижото, посипете со сечкан магдонос и послужете веднаш. Намачкајте го лебот од вишокот смеса со сирење, па печете во рерна за вечера.
Пријатен апетит!
