Освен што се здрави, ваквите оброци се пријатни за непцето и душата, па затоа решивме да ви го понудиме нашиот предлог за ручек деновиве.
Веруваме дека ќе ви се допаднат состојките, но и начинот на подготовка.
Состојки:
- 450 гр риба (морска риба)
- 2 чаши зелени пиперки исечени на ленти
- 360 мл салса (зачинет сос од домати)
- 1 чаша сецкан кромид
- 1 чаша црни маслинки без семки
- 80 мл суво црвено вино
- 3 чешниња лук
- 45 мл сок од лимон
- 1 лажица маслиново масло
- 2 лажички оригано
- 1 лажичка ким
- 1 лажичка сол
Подготовка:
На маслиново масло пржете ги зелените пиперки, кромидот и лукот додека не омекнат.
Додадете по редослед: салса, црвено вино, сок од лимон, оригано и ким. Почекајте да зоврие, а потоа намалете ја температурата и динстајте 8 минути. После тоа време тргнете го од оган.
Загрејте грил тавче, а во меѓувреме подгответе ја алуминиумската фолија која ќе ја исечете на 4 ленти долги 30 см. На секое парче фолија ставете од рибата и истурете четвртина од сосот, а потоа завиткајте ја фолијата во пакетче. Постапката повторете ја со останатите 3 парчиња риба.
Секое го ставаме на скара да се пече, за што се потребни околу 30 минути на тивок оган. Кога рибата е готова, послужете ја со парчиња лимон.
Пријатно!