Наместо зелка, сега можете да користите и млади листови од лоза, блитва..
Иако сармата е зимско јадење, тешко и мрсно, луѓето на нашите простори не се откажуваат од неа дури и кога почнуваат подобри денови и потопли месеци. За волја на вистината, не се откажуваат од неговата малку полесна варијанта. Сармите од лозов лист се вистински пролетен деликатес, па иако е потребно малку повеќе време за нивна подготовка, сиот труд на крајот се исплати.
Состојки:
- околу 20-30 лозови листови
- 2 лажичка сол
- 1 лажица бел оцет
- 2 литри вода
за фил:
- 500 гр мешано мелено месо
- 3 главици кромид
- 2 чешниња лук
- 100 гр ориз
- сол. бибер
- црвен пипер
- сув власец
- 500 мл вода
- 100 мл масло
Подготовка:
Темелно измијте ги листовите
. Во поголем сад истурете вода, сол и оцет и оставете да зоврие.
Само поминете по еден лист низ зовриената вода за да омекне. Листовите сварени на пареа ставете ги во подлабок сад со ладна вода.На загреано масло пропржете го ситно сечканиот лук додека не стане стаклен. Додадете го сечканиот кромид и сите зачини, па сè убаво соединете и пропржете со малку вода.
Кога месото е половина готово, додадете го измиениот неварен ориз и сè убаво измешајте. Се трга од оган и се лади филот. Тавата во која ќе се варат сармите намачкајте ја со масло.
На даска ставете го листот, додадете две лажици од филот, свиткајте ги страните од листот и виткајте го во сарма. Наредете ги завитканите сарми во садот. Истурете вода за да се натопи сармата, да ја прелие и варете на тивок оган околу 45 минути. Извадете ги готовите сарми и послужете со кисело млеко.
Пријатно!
