Крцкавите грицки се омилена храна со сокови, пиво или вино.
И од финото лиснато тесто што се топи во уста, ќе ги подготвите овие мали деликатеси само на едно трепнување. Совет: За да направите лиснато тесто убаво да нарасне, ставете мала огноотпорна чинија со вода во рерна.
Стапчиња со лук
- 250 гр (половина пакет) лиснато тесто
- сол
- лук во прав
Подготовка:
Оставете лиснато тесто да постои на собна температура. Лиснатото тесто распостелајте го на лесно побрашнета работна површина и посипете со сол и лук.
Исечете тесни ленти од тестото и лесно завиткајте ги сите околу својата оска. Оставете ги стапчињата да отстојат половина час. Загрејте ја рерната на 220 степени. Ставете ги стапчињата со лук на плехот за печење, претходно исплакнат со ладна вода и печете 15 минути.
Ѓевреци со сирење
- 250 гр лиснато тесто
- 50 гр рендано сирење
Подготовка:
Загрејте ја рерната на 220 степени. Распостелајте го тестото, посипете го со сирење и исечете го на ленти и обликувајте гевреци. Печете околу 15 минути.
Полжави со шунка
- 250 гр лиснато тесто
- 75 гр шунка
- неколку гранчиња магдонос
- 1 жолчка од јајце
- 30 гр рендан кашкавал
Подготовка:
Оставете лиснато тесто одмори на собна температура. Исечете ја шунката на мали коцки. Магдоносот исплакнете го, исушете и исечете ситно. Измешајте го со шунка, сирење, кашкавал и жолчка од јајце. Загрејте ја рерната на 220 степени. Расукајте го лиснатото тесто и премачкајте го со подготвениот фил. Завртете ги двете страни од тестото кон средината и исечете го добиениот ролат на парчиња. Наредете ги полжавите на плех намачкан со ладна вода и печете ги 15 минути.
Колачиња од лиснато тесто
- 250 гр лиснато тесто
- 1 лажица афион и семе од сусам
- 1 лажичка оригано
- 50 гр рендан кашкавал
Подготовка:
Оставете лиснато тесто да одмори. Загрејте ја рерната на 220 степени. Расукајте го тестото и исечете форми со калап. Посипете ги колачињата со афион, семе од сусам, оригано и сирење / или кашкавал и печете 12 минути.
Уживајте!
