Ви подготвивме еден прекрасен рецепт од наша драга читателка, едноставен начин како да направите домашен леб со крцкава коричка и мека средина како памук.
Интересно е тоа што тестото се остава да кисне во фрижидер. Погледнете го рецептот и направете еден вкусен домашен леб.
(Рецептот го испрати Сузана Павловска)
Состојки:
- 500 гр. брашно
- 1 лажичка квасец (5 гр. сув квасец)
- 2 лажици зејтин
- 300 мл. млака вода
Начин на подготовка:
Тестото се замесува и се остава 30 минути да отстои на собна температура. Потоа повторно се размесува и се става во фрижидер 8-12 часа или да преноќи. Садот во кој ќе стои тестото во фрижидер треба да биде премачкан со зејтин.
Откако ќе отстои во фрижидер, тестото се премесува и се става во висок сад за печење (тенџере за печење), претходно обложете го со хартија за печење.
Се засекува тестото одозгора и се прави шара на лепчето, се поклопува тенџерето со капак и се става во рерна.
Се пече на 220 степени, околу 40 минути. Кога ќе добие златинеста боја се отстранува капакот и се остава да зарумени лепчето и да добие коричка.
Кога ќе се испече се вади од рерна и се остава да се олади.
Пријатен апетит!
Извор: Рецепт од Сузана Павловска