Диетална верзија на вкусно ориентално слатко.
Доколку сакате послатки слатки како баклава, урмашица, тулумби кои се прелиени со шеќерен сируп, но сепак сакате да го намалите внесот на шеќер или сте на диета, имаме добри вести за вас. Отсега уживајте во омилената баклава без грижа на совест. Диететската верзија на ориенталното слатко е толку вкусна и сочна што нема да застанете на едно парче.
Состојки:
- 100-150 g дебели кори или тортиљи (интегрални или спелени)
- 200 гр ореви (100 гр индиски ореви + 100 гр ореви)
- 4-5 лажици мед
- 2 лажици кокосово масло (или растително масло без мирис)
- 70 мл вода
- афион и ореви за декорација
За премачкување:
- 1 лажица кокосово масло
- 1 лажица мед
Подготовка:
Индиските ореви и оревите сомелете ги во прав. Во еден сад измешајте вода, мед и масло и изматете со жица. Прелијте ја смесата врз сечканите ореви и измешајте. Тоа е филот.
Едната кора се става во огноотпорен сад со димензии 15х10 и се премачкува тенко со фил од ореви. Повторете ја постапката уште 4 пати. Кога ќе ја ставите последната кора прелијте ја со смеса од 1 лажица масло и 1 лажица мед. Намачкајте ја последната кора и посипете со афион.
Се сече на квадрати или во форма на дијамант. Се пече во загреана рерна на 180 степени 15-20 минути. При сервирање украсете со ореви.
Пријатно!
