Многу е лесно да се подготви, а им успева и на оние кои никогаш не направиле шампита.
Состојки:
За кора:
- 8 жолчки
- 8 лажици шеќер
- 8 лажици масло
- 8 лажици млеко
- 8 лажици брашно
- половина лажичка прашок за пециво
За крем:
- 8 белки
- 24 лажици шеќер
- 1 лажица сок од лимон
- неколку капки екстракт од ванила или 2 пакет. ванилин шеќер
- 1 лажица шеќер важи за 1 белка од средна големина – 4 лажици шеќер за белки од големо, 2 за мало
Подготовка:
Измешајте ги жолчките и шеќерот, убаво изматете додека смесата да стане кремаста. Додадете го маслото и млекото, изматете, па додадете го и брашното. повторно изматете, и потоа додајте го пецивото.
Откако се убаво ќе се измати се става во плех за печење, и зависи колкава дебелина на тестото сакате може да го печете тестото во поширок или потесен плех.
Се пече околу 10 мин на 180 степени.
За подготовка на кремата, земете подлабок сад во кој ќе има вода и ставете го на оган. Во стаклен сад ставете ги белките од јајца и додајте го шеќерот 24 лажици, екстракт од ванила, лимонов сок и измешајте.
Кога водата ќе зоврие, намалете ја температурата и стаклениот сад со белки ставете го врз садот со водата што врие така што ќе ги готвите на пареа 10 минути, постојано мешајќи.
После 10 минути, тргнете ги белките и почнете да матите со миксер на најголема брзина додека да направите цврст шамп.
Кога ова е готово, извадете ја кората од плехот, и со кремот кој го добивте премачкајте одозгора во подебел слој, колку што има смеса и израмнете.
Изладете во фрижидер и послужете.
Добар апетит!
