Меки и дарежливи пецива, кои ќе ги обожаваат сите членови на семејството, а особено најмладите.
Кога домаќинките ќе снемаат идеи што да подготват за појадок, секогаш добро ни доаѓаат домашните, миризливи, топли печива. Ви носиме рецепт за плетенки кои се поубави од оние од пекарницата.
Состојки:
- 650 гр брашно
- 250 мл млеко
- 1 јајце
- 50 гр шеќер
- 1 лажичка сол
- 20 гр свеж квасец
- 100 мл масло
- 50 мл јогурт
За обложување:
- 1 жолчка
- 1 лажица млеко
- 1 лажица масло
- сусам
Подготовка:
Во млакото млеко додадете квасец и шеќер, па оставете 10 минути да се активира квасецот. Во подлабок сад сипете брашно, сол, масло, јогурт и јајце, па додадете го млекото со квасецот и замесете тесто.
Месете го тестото пет минути, покријте го со чиста крпа и оставете го топло да нарасне еден час. Замесете тесто, па исечете го на 12 дела. Секој дел поделете го на три дела, виткајте со раце за да добиете три вретенца, спојте го едниот крај, исплетете плетенка, поминувајќи ја едната лента преку другата, па со прстите повторно спојте го другиот крај за да не се одврзат.
Плетенките ставете ги на хартија за печење во плех да се „одморат“ и да нараснат уште 15 минути на собна температура. Премачкајте ги со соединетата жолчка, една лажица масло и една лажица млеко. Посипете со сусам. Се пече во загреана рерна на 200 степени, 15 минути.
Послужете топло со јогурт или кисело млеко. Пријатно!