Како да направите вистински домашен интегрален ‘ржан леб со семиња – еве го рецептот!
Направете здрав ‘ржан леб со семе што содржи витамини, минерали и протеини. Идеална замена за белиот леб!
Состојки:
- 40 гр свеж квасец
- 500 гр ‘ржано брашно
- 250 гр пченично остро брашно
- лажичка сол
- лажица мед
- лажица маслиново масло
- ½ л млака вода
- 1 чаша семе (кикирики, сончоглед и сусам)
Подготовка:
Измешајте ‘ржано брашно и пченично и лажичка сол. Стопете ја лажицата мед во топла вода, направете дупка во брашното, истурете вода со мед и додадете свеж квасец. Оставете го да отстои десетина минути, односно квасецот да се нахрани со медот и да започне да работи (ќе се направи мала пена).
Потоа замесете тесто, додајте и измесете го семето. Покријте го садот со крпа и оставете го тестото да нарасне. Мешајте го три пати односно оставете да нарасне три пати и три паи размесете го.
Подмачкајте го калапот за печење и ставете го тестото во него. Загрејте ја рерната на 200 степени и печете додека кората не стане темна, кога дното е жолтеникаво и лебот е ипечен.
Добар апетит!
