Овој домашен сладолед е лесен и брз за подготовка. Ова е еден од наједноставните рецепти за вкусен домашен сладолед.
Состојки:
- 300 грама бело чоколадо
- 600 мл слатка павлака
- 500 грама сирење маскарпоне
Подготовка:
Скршете бело чоколадо во еден сад и прелијте го со 300 мл слатка павлака. Потоа ставете да се растопи на пареа или во микробранова печка и оставете да се излади.
- Advertisement -
Во друг сад истурете сирење маскарпоне и останатите 300 мл слатка павлака, па додадете го подготвеното бело чоколадо.
Измешајте ги сите состојки со миксер неколку минути додека не се соединат убаво.
Истурете ја добиената мешавина за домашен сладолед во пластичен сад, и оставете ја во замрзнувач да се олади и зацврсти неколку часа.
Уживајте!
