Со овој рецепт ќе направите ребра како од најдобрата кафана.
Ребрата се посебен деликатес кој најчесто се јаде во кафеани, но со овој рецепт можете да ги подготвите и дома во рерна. Ќе бидат подеднакво сочни и меки, а ќе имаат и крцкава карамелизирана кора која се лепи за прстите.
Освен зачини, исклучително е важно да изберете квалитетно свежо месо, а со нив не ви треба апсолутно ништо, освен можеби сад со свежа сезонска салата. Почестете се себеси и вашето семејство со гурмански специјалитет како од најдобриот ресторан.
Состојки:
- 1 кг свински ребра
- 2 главици кромид
- 4 чешниња лук
- 1 лажица мелена пиперка
- 1 лажица кафеав шеќер
- 1 лажичка сол
- 1 лажичка бибер
Подготовка:
Во чинија измешајте ги сите зачини, а потоа добро зачинете ги ребрата од сите страни и истријте ги со раце. Префрлете ги во плех обложен со алуминиумска фолија.
Кромидот и лукот исечкајте ги на листови, па наредете ги на ребрата. Сè убаво завиткајте во фолија и ставете го во рерна загреана на 220 степени. Печете ги два часа, а кон крајот на печењето отворете ја фолијата за да добијат златна крцкава кора.
За време на печењето, кромидот ќе ослободи сок кој ќе создаде карамелизирана кора. Ќе знаете дека се готови кога ќе ги прободете со вилушка и се целосно меки. Послужете ги со сезонска салата или прилог по ваш избор.
Пријатно!