Со оваа торта од кокос нема да згрешите – нема никој да остане рамнодушен. Во неа се ужива со секој залак…
Восхитете ги гостите или почестите ги своите најмили со оваа неодолива рафаело торта, готова за само 25 минути!!!
Потребни состојки:
За кора:
- 6 белки
- 130 г шеќер
- 6 лажици брашно
- 130 г кокос
- 1 лажица прашок за печиво
За прелив:
- 260 слатка павлака
- 220 г бело чоколадо
- 130 г лупени мелени бадеми
За фил:
- 500 мл млеко
- 80 г шеќер
- 1 пудинг од ванила
- 70 г путер
- 6 жолчки
- 250 г слатка павлака за шлаг
Подготовка:
Прво со миксер изматете ги белките, па додадете шеќер, па на крај со лажица додадете брашно, кокос и прашок за печиво.
Обложете со хартија еден тркалезен калап за печење, излејте ја смесата и печете на 160 степени. Печената кора кога ќе излади пресечете ја хоризонатлно, така да добиете две кори.
Слатката павлака ставете ја на оган, па кога ќе биде врела (пред да зоврие) ставете го во неа белото чоколадо и мелените бадеми. Добро промешајте и оставете да излади.
Одвојте малку од млекото околу 100 мл, па во него промешајте го пудингот со жолчките, а остатокот од млекото заедно со шеќерот ставете ги на оган да зовријат.
Сварете го пудингот со постојано мешање додека да згусне. Оставете да излади, па кога е млак, во него додадете го путерот.
Целиот крем добро изладете го за да можете во него да ја вмешате измиксаната слатка павлака.
ФИЛУВАЊЕ: кора, прелив од бадеми, крем, кора, прелив од бадеми и крем.
