Мусаката може да се подготви на многу брз и едноставен начин, а оваа растурена мусака со бело пилешко месо е совршена за домаќинките кои постојано брзаат.
Состојки:
- 800 гр компири
- 400 гр бело месо
- 2 млади кромидчиња
- 1/2 главица сечкан кромид
- 1 лажичка слатка пиперка
- малку сол
- малку бибер
- 2 лажички зачин
- 1 лажица доматно пире
- 50 гр путер
- 100 мл млеко
- 250 гр моцарела сирење
Подготовка:
Сварете ги компирите и оставете ги на страна. Во тава на малку масло пропржете го белото пилешко месо. Кога месото ќе добие златно-жолта боја, додадете млад кромид и половина главица кромид.
Потоа додадете бибер, сол, слатка мелена пиперка. Додадете свежи домати или доматно пире. Измешајте сè и оставете да се крчка неколку минути.
Изгмечете ги компирите како за пире додадете путер и млеко и убаво измешајте, па ставете еден слој во огноотпорен сад во кој ќе се пече јадењето. Преку него додадете пилешко, а преку него рендано сирење моцарела. Печете во рерна на 200 степени околу половина час и послужете!
Уживајте!
