Овој пудинг со семе од чиа е одличен појадок кој е многу здрав и лесен за подготовка! Ако едноставно немате време да подготвувате појадок, тогаш овој рецепт мора да го погледнете.
Состојки:
- 1 конзерва кокосово млеко
- 1 манго
- 6 лажици семе од чиа
- цимет по желба
- шеќер по потреба
Подготовка:
Најпрво исечете го мангото на ситни коцки и испасирајте го со вилушка. Додадете цимет и измешајте се заедно.
Во друг сад измешајте го кокосовото млеко заедно со семето од чиа. Засладете го по ваша желба и вкус.
Наполнете ги теглите за пудинг со приготвената мешавина од чиа семе и кокосово млеко. Покријте одозгора со пасирано манго.
Затворете ги теглите со капак и оставете ги во фрижидер околу два часа.
Доколку немате многу време наутро, пудинкот пригответе го вечер и оставете го да преноќи во фрижидер, за следното утро ќе имате совршен појадок кој може да го земете на работа.
Добар апетит!
