Чоколадните колачи се заменуваат со слатки десерти кои се топат во устата.
Доколку барате декоративни колачи ви предлагаме птичји гнезда направени во колачи од белки. Непотребно е да се каже дека децата ќе ги обожаваат.
Состојки:
- 4 белки
- прстофат сол
- 1 и пол шолја шеќер
- 1 лажичка пченкарен скроб
- 2 лажички оцет
- 1 лажичка екстракт од ванила
- 1/3 шолја растопено чоколадо
- 36 чоколадни бонбони во форма на јајца
- ¼ шолја кокос
Подготовка:
Загрејте ја рерната на 120 степени. Земете две листови хартија за печење и на нив нацртајте 6 кругови со помош на шолја или мала чинија. Ставете ја хартијата на тава за печење. Белките и солта изматете ги со миксер, па полека лажица по лажица додавајте го шеќерот. Неопходно е да се формира цврста пена. Со силиконска шпатула, во смесата нежно измешајте ги пченкарниот скроб, оцедот и екстрактот од ванила.
Со помош на лажица, доволна количина од добиената смеса префрлете ја на хартијата за печење и на неа направете круг. Потоа направете мало вдлабнување во средината на секој круг. Ставете во рерна и печете околу 35 минути. Толку е потребно за да се стегнат колачите со белки, но не треба да се исушат. Кога ќе бидат готови оставете ги да се изладат најмалку 1 час.
За да ги подготвите птичјите гнезда, ставете една лажица растопено чоколадо во средината на колачот, а потоа кокос и 3 јајца. Постапката повторете ја со преостанатите колачи и јајца.
Пријатно!