Ви подготвивме предлог за денешниот ручек, рецепт за познатата војничка чорба од грав, во која по можност можете да додадете месо, пушено или свежо, колбаси, сланина…
Едно од митските јадења во Југославија беше и остана војничкиот грав, зачуван во сеќавањата на оние кои служеа во ЈНА.
Од книшката „Рецепти за подготовка на храна во ЈНА“ „
Состојки:
- 500 гр грав
- 1 главица црн (црвен) кромид
- 2-3 чешниња лук
- 1 морков
- 100 гр маснотии или масло
- сол
- црн бибер
- 1 лажица мелен црвен пипер
- 1 лажица сув билен зачин
- 1 ловоров лист
- 1 сушена пиперка
- лист од јаглика
Подготовка:
Избраниот грав потопете го во ладна вода, внимавајќи да има доволно вода за да не ја впие целата количина на вода при набабрување и да остане сув.
Потопениот грав чувајте го на ладно место и оставете го да кисне 1-3 часа.
Потоа исцедете ја водата во која е потопен гравот, па ставете го гравот во соодветен длабок сад за готвење односно во тенџере, истурете ладна вода колку да го облие и варете 10-15 минути.
Потоа исцедете ја водата и прелијте ја со топла вода за да потоне гравот, додадете половина од ситно исечканиот кромид и оставете го да се свари, повремено додавајќи топла вода.
Во тавче, ставете половина од маслото и кога ќе се загрее додека е жешко додадете го остатокот од ситно исечканиот кромид и морков исечкани на помали коцки или изрендан и се заедно пропржете додека малку не порумени.
Кога гравот е половина сварен, додадете ги пропржените кромид и моркови, сувите пиперки кои претходно биле потопени два часа во ладна вода и ловоровиот лист.
Преостанатата маст загрејте ја на оган, додадете го брашното и пржете малку колку да порумени. Кога брашното ќе порумени, исклучете го огнот и веднаш додајте го издробениот и ситно сечкан лук и црвениот пипер во прав и сè убаво измешајте.
Кога гравот ќе омекне, додадете ја запршката во тенџерето, посолете и оставете го со малку на оган со постојано мешање на гравот за да не се згрутчи запршката.
Гответе го гравот со запршката уште 20-30 минути, па исклучете го огнот, додадете мелен црн бибер, ситно сечкан лист од магдонос, вкусете и посолете по потреба.
Гравот може да се служи како независно јадење или како прилог со полнети шницли, ќофтиња, задушено говедско месо, варено пушено свинско месо итн.
Се дели со лажичка од 5дл.
Забелешка: Важно е да се знае дека гравот не смее да се меша за време на готвењето додека не се свари, за да се избегне кршење на зрната и нивно загорување.
Пријатен апетит!
Извор: Banjalucanke.com