Пролетни пакетчиња: Неверојатно крцкави и сочни во исто време!

Вреди да се проба:

Направете вкусен оброк од лиснато тесто, полнето со зеленчук. Вкус кој воодушевува!

Состојки:

  • 400 гр. замрзнато лиснато тесто
  • 2 тиквички
  • 1 модар патлиџан (поголем)
  • 1 парче млад кромид
  • 50 гр. маслинки
  • 125 гр. сирење
  • 1 чешне лук
  • маслиново масло по потреба
  • 1 жолчка
  • сол по вкус
  • бибер по вкус

Подготовка:

Измиениот зеленчук, тиквичките и модриот патлиџан, исечкајте го на ленти или коцки и ставете го во тава за пржење. Додадете ги младиот кромид ситно сецкан и сецканото лукче па пропржете се заедно. Зачинете со сол и бибер и добро измешајте. Откако ќе го испржите зеленчукот, тргнете го од оган и оставете го на страна.

- Advertisement -

Одмрзнатото лиснато тесто развлечете го на дебелина од околу 3,5 милиметри и исечете го на четири еднакви правоаголници.

Во средината на секое парче тесто ставете фил од пропржениот зеленчук, парче сирење и по малку сечкани маслинки, па поврзете ги краевите од тестото и врзете ги со влажни ленти хартија за печење, како да пакувате бонбони и наредете ги на плех.

Секое пакетче премачкајте го со изматена жолчка и печете 20 минути во загреана рерна на 200 степени.

Наредете ги пакетчињата лиснато тесто на плех, извадете ги машничките од хартија и послужете ги топли.

Добар апетит!

- Advertisement -spot_img

Последни рецепти

- Advertisement -spot_img

Повеќе рецепти

- Advertisement -spot_img
error: Содржината е заклучена!