Ви подготвивме еден прекрасен старински рецепт за салата, која со својата едноставност и вкус ќе ве освои од првото залче.
Состојки:
- 20-25 суви пиперки
- 3-4 страка праз
- 7-8 лажици зејтин
- 1-2 лажици сол
Подготовка:
Сувите пиперки убаво се мијат и се ставаат во вода да провријат околу 4-5 минути. Откако ќе бидат готови, се отстранува лушпата но и не мора.
Празот се сецка на поситно и се става во подлабок сад заедно со пиперките. Се додава зејтин и со толчник или дрвена лажица убаво се гмечи смесата. Се става малку повеќе сол.
- Advertisement -
Кон ваквата салата или народски наречено “пресолец“ може да се додадат и една-две лажици мелени ореви.
Важно е многу мешањето т.е. толчењето, затоа што тогаш празот омекнува и се спојува со сувите пиперки и добивате покомпактна смеса, односно пресолецот.
