Салатите стануваат се попопуларни, а овие празнични ја разубавуваат секоја.
Денес, празничните салати изгледаат како солени колачи и се одлична порција на празнична маса. Состојките можете да ги изберете по ваша желба, а наш избор се чадени пилешки гради, компири, варени јајца и уште неколку намирници. Осветлете ја новогодишната или божиќната трпеза со фантастична салата, која ќе успее да ја засени познатата руска салата.
Состојки:
- 200 гр јогурт
- 100 гр мајонез
- 450 гр компири
- 300 гр чадени пилешки гради
- 2 страка праз
- 2 моркови
- 3-4 големи јајца
Подготовка:
Сварете компири и јајца. Изрендајте ги компирите, морковите и пилешките гради. Посебно изрендајте ги жолчките и белките, а празот исечкајте го на прстени. Ставете калап за торти на плехот и најпрвин наредете ги компирите и добро притиснете.
Одозгора ставете ги пилешките гради. Потоа измешајте ги мајонезот и јогуртот и премачкајте ги врз претходните состојки. Потоа наредете ги празот и морковот, па белката и на крај жолчката. Украсете со мајонез и јогурт на крај.
Уживајте!
