Доколку ви се допаѓа вкусот на портокал, овој десерт е фантастичен избор за вашата трпеза! Вегански десерт од само 3 состојки што ќе ве освежи, а се подготвува исклучително брзо, така што е идеална торта и доколку сакате да подготвите нешто слатко за брза закуска.
Состојки:
- 3 портокали
- 40гр пченкарен скроб
- 80 гр шеќер
Подготовка:
Исцедете сок од три портокали и процедете низ цедалка. Истурете го скробот во сад, а потоа додадете малку сок од портокал и мешајте додека не добиете густа смеса.
Ставете го сокот од портокал да се готви на средна топлина и додадете шеќер. Кога сокот ќе зоврие, додадете ја смесата со скроб. Гответе уште 5 минути со постојано мешање.
Истурете ја смесата во стаклени тегли и оставете да се излади на собна температура, па ставете ја во фрижидер да отстои околу 2 часа.
Украсете го десертот со цимет (по избор) и парчиња портокал.
Уживајте!