Неодоливи топчиња со сушено овошје и чоколадо, потопени во карамела, е одлична празнична слатка.
Сувото овошје, јаткастите плодови и чоколадото се неверојатно добар спој на вкусови. Кога сето тоа ќе го измешате и завиткате во карамела, добивате чоколадни бомби на кои никој нема да им одолее. Предноста на оваа слатка е што не ви треба рерна, па можете да ја подготвите брзо, без да извалкате многу садови.
Состојки:
- 110 гр суви смокви
- 60 гр суви сливи
- 60 гр суви кајсии
- 60 гр ореви
- 60 гр посно чоколадо
- 3 лажици мармалад со вкус на кајсија
- 80 гр посни мелени бисквити
- 90 гр жолт шеќер
- 80 гр маргарин
- 7 лажици вода
За глазурата:
- по потреба шеќер
Подготовка:
Овошјето изблендирајте го. Растопете ги маргаринот, шеќерот и водата, па со смесата прелијте го изблендираното овошје. Додадете мелени ореви и рендано чоколадо, промешајте, па оставете 15 минути во фрижидер.
Малку подмачкајте ги рацете и обликувајте топчиња, па потопете ги во карамела. Карамела ќе ја добиете така што ќе стопите шеќер во тава, и ќе го карамелизирате.
Пријатно!
