Пробајте го овој супер рецепт за крофни.
Можете да ги подготвите за некој празник, кога се пости, или едноставно да се засладите кога ќе посакате нешто слатко а тоа да не биде мрсно!
Рецепт и слики ни испраќа Сузана Павловска.
Состојки:
- пола коцка квасец
- 2 лажички шеќер
- 1 лажица брашно
- 200 мл вода
- 2 пак. ванила
- 50 мл зејтин
- 1 лажичка сол
- 50 мл газирана вода
- рендана кора од лимон или портокал
- брашно по потреба
Подготовка:
Во поголем сад се остава да нарасне пола квасец со 1 лажичка шеќер, 1 лажица брашно, 100 мл вода и се остава да стаса. Откако нарасне квасецот во садот се додава 1 лажчка шеќер, 2 ванили, 50 мл зејтин, 100 мл вода, 1 лажичка сол, 50 мл газирана вода и рендана кора од лимон или портокал.
Се меша оваа смеса па се додава брашно онолку колку што е потребно за да се добие меко тесто. Тестото се остава да кисне околу 2 часа. Откако ќе нарасне се расукува во кора со дебелина околу еден прст и се вадат кругови/крофни со чаша во големина која што ја сакате вие.
Оставете да киснат така уште половина час. Потоа пржете кратко во врел зејтин. На крајот поросете ги со шеќер во прав.
Пријатно!
