Сите ќе ве прашаат за рецепт за посни корпи со туна.
Доколку ви недостига предјадење за Свети Никола или имате неочекувани гости, направете ги овие прекрасни посни корпи со туна и посна фета. Лесно се прават со само неколку состојки кои можете да ги прилагодите на бројот на гости. Наместо посна, можете да направите мрсна варијанта, а внатре во корпата да прелиете салата или паштета по желба. Уживајте!
Состојки:
- 120 гр туна
- 100 гр посна фета
- 10 посни корпи
- магдонос
- црвена пиперка
За корпите:
- 250 гр брашно
- 1 лажичка прашок за пециво
- 1 лажичка сол
- 100 мл масло
- 100 мл кисела вода
Подготовка:
Брашното измешајте го со лажичка сол, прашокот за пециво, кисела вода и масло. Замесете мазно тесто. Со сукало развлечете го тестото во тркалезна форма со дебелина од 3 мм, а потоа со чаша извадете кругови. Свртете ги калапите за мафини наопаку и ставете го тестото над нив.
Можете да го ставите и во калап и да го обликувате со прстите. Се пече во загреана рерна на 200°C околу 10 минути. Проверете со чепкалка дали тестото е печено.
Потоа за полнењето, процедете ја и исечкајте ја туната. Потоа додадете го фета сирењето и добро измешајте ги состојките за да добиете мазна смеса. Истурете во корпичките и украсете со магдонос и пиперка кои претходно сте ги исецкале.
Пријатно!
