Лесни вкусни и малку крцкави посни колачи со ореви – омилени меѓу децата и возрасните!
Состојки:
- сончогледово масло – 1/2 чаша
- вода – 1/2 чаша
- сода – 1/2 лажичка
- хималајска сол – 1 прстофат, ситно
- интегрално брашно – околу 1 и 1/2 шолја
- ореви – 1 чаша, ситно сецкани
- ванила – 2 кесички
- шеќер во прав – околу 1 чаша (за валкање)
Начин на подготовка:
Во тавче измешајте го маслото со вода и ставете на оган да врие. Штом ќе зоврие додадете сода, прстофат хималајска сол, кесичка ванилин шеќер и тргнете ја од оган.
Истурете го интегралното брашно наеднаш, измешајте со дрвена матица – лажица додека не добиете мазно тесто, малку лепливо, но кое се одвојува од ѕидовите на садот.
Додадете ситно мелени ореви и замесете тесто (со рака или со жица, ако е уште топло), така што рамномерно ќе ги впие оревите.
Додека е уште топол, колачите со ореви обликувајте ги во топчиња, валкајте ги во шеќер во прав и наредете ги во плех за печење претходно премачкан со масло.
Печете ги на 180 степени додека не поруменат (околу 25 минути – во зависност од рерната – можеби повеќе или помалку).
Веднаш штом ќе ги извадите готовите посни колачи од рерна, додека се уште топли, валкајте ги во мешавина од шеќер во прав и кесички ванилин шеќер.
Пријатен апетит!