Прекрасна салата која го менува оброкот, а воедно да пробате нешто ново што би можело да послужи како мезе за Свети Никола.
Денот на Свети Никола е буквално на самиот агол, а доколку го славите овој празник, пробајте ја оваа салата, која можете да ја послужите и како предјадење!
Состојки:
- 1 килограм компири
- 600 грама риба – ослиќ
- 200 – 300 гр праз
- 5-6 кисели краставички
- 1 лимон
- 1-2 лажици сенф
- 2-3 лажици ајвар
- Масло, сол, бибер, магдонос
Подготовка:
- Advertisement -
Исчистете ги и исечкајте ги компирите и сварете ги во солена вода. Рибата сварете ја и извадете ги коските.
Следно, иситнете го празот, краставиците, а потоа додадете ајвар, сенф и зачини. Исцедете го сокот од еден лимон и измешајте сè. Измешајте сварени компири, исчистена риба, праз со зачини и краставици и убаво измешајте. Послужете свежо.
Пријатно!
