Одлично главно јадење или прилог, како што сакате. Рецептот можете дополнително да го збогатите ако изматите павлака и на крајот од печењето ја прелиете врз пиперките.
Оваа комбинација ја препорачуваме во лето или ако ја правите како главен оброк да ја послужите со павлака. Ова е толку сочно и вкусно јадење, а целата куќа мириса на пиперка.
Состојки:
- 7 средни пиперки
- 5 средни компири
- 1 главица кромид
- 1 лажица сув зачин
- 1 лажичка црвена пиперка
- 1 лажица сушени листови магдонос
- 100 мл масло
- 1 сечкан домат пред да се пече одозгора
Подготовка:
Исечкајте го кромидот. Загрејте половина масло, додадете го кромидот, кратко пропржете, па прелијте со чаша вода и динстајте додека да испари водата.
Во меѓувреме излупете ги компирите и изрендајте ги на поголемата страна од рендето. Кога ќе се испржи кромидот, на средна температура малку се пропржува компирот. Додадете ги остатокот од зачините и остатокот од маслото. Така пржете сè околу десет минути.
Најдобро е да земете длабоко тавче или тавче што не се лепи. Подготвениот фил тргнете го од оган и извадете го стеблото и семките од пиперката. Вклучете ја рерната на 200 степени.
Тавчето премачкајте го со масло, па на дното ставете малку фил. Наполнете ги пиперките и наредете ги. Околу пиперките ставете го остатокот од филот. Истурете една чаша од 50 мл вода. Покријте сè со алуминиумска фолија и печете 30 минути.
По 30 минути извадете ја фолијата, полека превртете ги пиперките и оставете да се пече уште 30 минути. Се пече на долната решетка од рерната за да не изгори пиперката одозгора. Може да се сервира топло млако или ладно, подеднакво е вкусно.
Пријатно!