Посниот бурек е наш предлог за денешниот доручек или ручек. Без маснотии и месо, малку полесна храна.
Состојки:
- 500 гр готови кора
- прелив за кора (300 мл минерална вода и 70 мл масло)
- 1 поголем праз
- 1 главица кромид
- 150 гр снегулки од соја
- 200 мл вода
- сол, бибер
- сув зачин
Подготовка:
Исечете го кромидот и пржете на малку масло. Исецкајте го и празот и додадете го во кромидот да се пропржи. Ставете вода во снегулки од соја и почекајте да нараснат. Кога ќе нараснат, истурете ги во пржениот кромид. Зачинете по вкус.
- Advertisement -
Направете бурек така што прво подмачкајте ја тавата и ставете четири кори од секоја страна. попрскајте ги со преливот. Потоа одете по следниот редослед – празна кора, прелив, кора, прелив, полнење од кромид, праз и соја. И така се додека не го потрошите материјалот.
Печете го бурекот на 200 степени околу 30 минути.
Добар апетит!
