Фантастичен полнет колач на поинаков начин. Без мешање, со малку чекање, меко како душа.
Состојки:
- 200 мл топло млеко
- 1 лажица шеќер
- 5 гр сув квасец
- 1 цело јајце
- 4 лажици масло
- 1 лажичка сол
- 360 гр меко брашно
Фил:
- 150 гр фета сирење
- 150 гр било кое тврдо сирење
- 150 гр шунка
- 50 гр кулен
- 1 лажичка магдонос
- 1 лажичка оригано
Повеќе:
- 1 жолчка од јајце
Подготовка:
Во топлото млеко додадете шеќер и квасец и промешајте. Потоа додадете јајце и масло и повторно промешајте со жица. Потоа истресете го целото брашно и полека измешајте. Додека се меша се додава сол и се продолжува со мешање.
Масата е густа, но леплива и така треба. Кога состојките се убаво изедначени, оставете го да отстои 40 минути така меко и лепливо. Во меѓувреме подгответе ги состојките за филот.
Соединете ги сите во еден поголем сад и измешајте. Одделете 2-3 лажици фил кој подоцна ќе го искористите. По 40 минути со помош на малку брашно само лесно измешајте го тестото и обликувајте го во топка.
Многу лесно се растегнува со раце бидејќи тестото е меко, во круг со пречник на плехот некои 28-30 см. Сега земете го овој поголем дел од филот и ставете го врз тестото а со краевите на тестото затворете одозгора врз филот така што филот ќе остане заробен внатре.
Внимавајте да не останат делови од колачот каде што нема да помине филот и тој дел да е сув. Поврзете ги горните делови со стискање. Повторно лесно и убаво ќе се затвори бидејќи тестото е меко. Посипете со малку брашно под тестото и по тестото, а потоа лесно притиснете со рацете и израмнете повторно.
Лесно се прави, само правете го полека, движете се од средината кон рабовите и полека стискајте. Кога повторно ќе добиете форма на колач со дебелина од 2 см, префрлете го во намрсен плех. Премачкајте со изматена жолчка, па посипете со филот кој претходно сте го оставиле.
Сега полнетиот леб оставете го да отстои 10 минути, па вклучете ја рерната да се загрее на 200 степени. Ставете во загреана рерна да се пече помеѓу 30 и 40 минути. Кога така убаво ќе се запече одозгора, готов е. Може да се послужи веднаш.
Пријатно!