Отсега со помош на лиснато тесто можете лесно да правите полнети пецива со шунка и сирење.
Појадокот е многу важен оброк – може или да ви го разубави денот или да ви го наруши. Секако најдобро би било денот да го започнете со овесна каша, јајца, јогурт или овошје. Меѓутоа, бидејќи не сите сакаат вакви оброци и немаат време за нив, со помош на лиснато тесто можете за многу кратко време да направите плетенки со шунка и сирење кои ќе ве заситат во текот на денот.
Состојки:
- 250 гр лиснато тесто
- 50 гр сирење
- 50 гр шунка
- 1 јајце
Подготовка:
Лиснатото тесто премачкајте го со масло и наизменично наредете ги кашкавалот и шунката во средината. Со нож за тесто исечете го тестото на ленти и наизменично плетете го тестото од двете страни, така што левата лента оди преку десната.
Тестото ставете го во сад за печење обложен со хартија за печење и премачкајте го со изматено јајце. Се пече во загреана рерна на 200 ° C 20 минути.
Пријатно!
