Основниот рецепт за тестото на оваа погача e направено според рецептот за цвет-погача. Погледнете го рецептот подолу…
Состојки:
- 300 мл млеко
- 1 лажичка шеќер
- 40 гр свеж квасец
- 50 мл масло
- 2 јајца
- 1 лажица јаболков оцет
- 1 и лажичка сол
- 650 гр брашно Т-400
- 200 гр топено сирење за мачкање
- сусам
Подготовка:
Во сад истурете топло млеко, додадете квасец, шеќер и лажичка брашно. Оставете 10 минути за да се активира квасецот.
Потоа во подлабок сад ставете брашно, масло, 2 белки, една жолчка, оцет. Додадете го активираниот квасец и замесете го тестото. Оставете да одмори 30 минути.
Поделете го тестото на 6 дела. Истегнете го секое парче во триаголна форма. Ставете го топеното сирење, преклопете ги краевите и замотајте во ролна. Првиот дел завијте го во круг како полжав. Вака замотаното тесто ставете го на средина во плех со обрач, претходно намачкан со масло.
За да добие убав облик погачата користете обрач со дијаметар од 25 см.
Повторете ја постапката со секој следен дел од тестото и редете ги околу првиот дел, во продолжение последователно во круг, се додека го исполните плехот. Потоа оставете малку да се крене тестото на собна температура, додека се загрева рерната.
Кога тестото ќе надојде, премачкајте го со жолчка во која сте додале 2 лажички млеко и 1 лажичка масло. Посипете семе од сусам врз погачата и додадете малку путер или маргарин.
Печете на температура од 220°C во време од 30-35 минути.
Среде печење, внимателно тргнете го обрачот од плехот, така што погачата убаво ќе порумени од сите страни.
Пријатен апетит!
