Комбинирајте пилешко со зелка и ќе добиете одлично јадење за вечера.
Ако не знаете што би можеле да направите за вечера и секогаш ви е здодевно со исти јадења, направете пилешко денес, но сега на малку поинаков начин. Освен со печурки, праз и ориз, со ова повеќегодишно тревно растение можете да комбинирате и пилешко.
Иако не се толку вообичаена комбинација, од зелка и пилешко можете да направите одлична вечера за целото семејство. Пред вас е рецепт за јадење со пилешко и зелка, кое кога ќе се испече во рерна со домати и сирење ќе биде сочно и вкусно како мусака или лазања.
Состојки:
- 400 гр зелка
- 1 морков
- 500 пилешки гради
- 3 кромидчиња
- 1 парче тост леб
- 100 мл млеко
- 3 јајца
- малку пиперка
- 3 домати
- 100 гр сирење
Подготовка:
Во плех за печење ставете исецкана зелка и моркови. Потоа лебот натопен во млеко оставете го да отстои 10 минути, а потоа ставете го во блендер заедно со пилешките гради, јајцата, кромидот, зачините и сето тоа измешајте го.
Наредете го правилно пилешкото преку зелката во садот, а потоа прстените од доматот, ренданото сирење и печете го сето заедно 45 минути на 180 ° C.
На здравје!
