Оваа вкусна чоколадна магија ќе ве маѓепса со вкусот, но и со брзината на приготвување. Направете ја оваа брза и вкусна бајадера за која целото семејство ќе се радува.
Потребни состојки:
- 300 грама орeви,
- 300 грама бисквити,
- 250 мл.вода,
- 800 гр.шеќер,
- 1 маргарин(коцка),
- 100 гр.чоколадо
Потребни состојки за глазурата:
- 250 мл.вода,
- 230 гр.путер,
- 100 гр.чоколадо за готвење
Начин на приготвување:
Најпрво се мелат оревите и бисквитите и се оставаат во посебен сад.
Во тенџере ставете ги водата, шеќерот и путерот и оставете ги да вријат додека не се стопи шеќерот. Така приготвениот шербет додадете го во мелените ореви и бисквитите и сето тоа убаво измешајте го.
Поделете ја смесата на два дела во различни садови. Во едниот дел додадете го растопеното чоколадо, а другиот оставете го светол. Двете смеси оставете ги малку да се оладат.
Кога смесите ќе бидат малку оладени, на претходно намаслен послужавник, ја редите прво потемната смеса, убаво ја обликувате, па врз неа потоа ја додавате посветлата.
За подготовка на глазурата, во сад стевете го чоколадото, водата и путерот, и оставете да се стопат на пареа, на среден оган. Кога убаво ќе се стопат добро измешајте ги да добиете хомогена смеса.
Глазурата ја истурате врз бајадерата, распоредена по целата површина. Внимателно растресете го послужавникот, глазурата сама да се распореди и изедначи.
Оладете ја бајадерата и пресечете ја на еднакви коцки или правоаголни парчиња.
Имајте добар апетит!
