Кари сос со пилешко месо е една од најдобрите комбинации која може да ви падне на памет. Едноставен, брз и вкусен ручек, идеален за секоја пригода.
Состојки:
- 500 г пилешки гради
- 2-3 лажички кари зачин
- малку сол, црн пипер
- малку масло за готвење
- 1 главица кромид (ситно сечкан)
- 3-4 чешниња лук (ситно сечкан)
- 500 мл супа од коцка (пилешка)
- 1 лажица нишесте
- 120 г грашок (замрзнат или од конзерва)
- 1-2 лажици павлака за готвење
- малку магдонос
Начин на подготовка:
Парчињата пилешки гради исечкајте ги на помали парчиња. Зачинете ги со сол, црн пипер и една лажичка зачин кари.
Во тава, на малку масло, запржете ги парчињата пилешко месо се додека не добијат светло кафена боја. Тргнете ги настрана.
Во истата тава, ставете го ситно сечканиот кромид и запржете го. Додадете ситно сечкан лук и кари и добро промешајте. Откако малку ќе се запржи, додадете ја пилешката супа во која сте додале нишесте.
Гответе се додека не ја добиете потребната густина. Во тава вратете го запрженото пилешко месо и истурете малу замрзнат грашок. При крај, додадете лажица павлака и малку сечкан магдонос.
На здравје!
