Појадок од кој ќе ви застане умот. Ако сте љубител на чварки, овој рецепт е идеален за вас.
Состојки:
Тесто:
- 500 гр брашно
- 1 кесичка инстант квасец
- 2 жолчки од јајце
- сол по вкус
- 60 маргарин
- 250 мл млеко
Фил:
- 300 гр чварки
- 100 гр брашно
- 100 гр сирење
- бибер и сол по вкус
За премачкување:
- 1 јајце
Подготовка:
1.Измешајте го брашното со инстант квасец. Во средина ставете жолчки од јајце, омекнат маргарин и сол, а потоа измесете меко тесто со млако млеко. Оставете го покриено на топло место околу 30 минути да нарасне.
2.Во меѓувреме, мелете ги чварките, па измешајте ги со брашното и сирењето на кои сте додале малку бибер и сол. Тестото развлечете го во дебелина од околу 1 см, премачкајте го со филот и преклопете го тестото. Повторно развлечете го и преклопете го повторно како за лиснато тесто. Расукајте го уште еднаш и преклопете го повторно.
3.Последен пат развлечете го тестото со дебелина од 1,5 см, а потоа исечете со чаша или кружен калап погачици. Наредете ги на намастен плех, зарежете ја површината на колачите во форма на решетка, премачкајте со јајце и печете во рерна загреана на 180 степени околу 20 минути.
Добар апетит!