Направете вкусен милиброд за претстојните празници.
А зошто да не и во некој вообичаен ден. Слатко пециво кое никогаш не здосадува и се јаде со сласт.
Состојки:
- повеќе од 1 кг. брашно
- 3 јајца
- 1 квасец
- 125 гр. маргарин
- 250 гр. шеќер
- 500 мл. млеко
- мармалад
- сусам
Подготовка:
Околу 400 мл млеко, шеќер и маргарин ставете ги во сад и на оган да се растопат а потоа изладете ги да бидат млаки.
Во останатото млеко растопете го пресниот квасец а потоа во поголем сад истурете го брашното направете дупка и истурете го веќе измешаниот квасец со остатокот од млекото, потоа додадете ги јајцата, а малку по малку млекото со растопениот маргарин и шеќерот.
Замесете меко тесто и оставете го да нарасне. Потоа поделете на 6 еднакви топчиња. Секое топче расукајте го како правоаголник, премачкајте го со мармалад и свиткајте како ролат.
Од три такви ролати направете плетенка и залепете ги краевите со чепкалка, истото направете го и со останатите три топчиња и оставете ги плетенките да нараснат дупло. Печете на 200 степени C околу 60 минути, но милбродот покријте го со весник за да не изгори на површината.
