Тестенини со необичен изглед и необичен начин на правење фасцинираат и претставуваат вистински предизвик во кујната.
Имаат интересен изглед, тесто со салама по ваш избор, а исто така се и многу вкусни. Можете да користите некое омилено тесто за пица или да го купите готово, што се повеќе се среќава во продавниците или испробајте го ова од рецептoт. Се подготвува брзо, но се јаде побрзо.
Состојки:
- 340 гр брашно
- 170 мл млака вода
- 30 мл масло
- 1 лажица шеќер
- 1 лажица сол
- 1 кесичка сув квасец или 1/2 свеж квасец
- тенко исечено парче салама, кулен и сл
Подготовка:
Се топи квасецот во млака вода и се додава шеќер и 1 лажица брашно и се остава на топло место. Во голем сад, истурете го брашното и солта и постепено додавајте го преостанатиот квасец и маслото, мешајќи со миксер со додатоци за тесто. Кога ќе се формира мазно тесто, оставете околу 1/2 час да нарасне.
Тестото развлечете го до дебелина од 3-5 мм, а потоа исечете кругови еднакви на големината на круговите на саламата со чаша или секач. Ставете лист салама на секој круг, а потоа исечете го од центарот до надворешниот раб со нож, по линијата на радиусот на кругот.
Потоа завиткајте во форма на конус и наредете ги така спремните тестенини на плех обложен со хартија за печење. Печете во загреана рерна на 200 степени 10-15 минути. Послужете со кечап или некој друг сос.
Добар апетит!
