Вкусот на путер, спанаќ и сирење го прават ова солено уживање незаборавно.
Состојки:
- 8 кори за пита
- 250 гр спанаќ
- 2 јајца
- 2 лажици масло
- 60 гр стопен путер
- 100 гр рикота сирење (или друго, по желба)
- морско оревче
- чешне лук
- сол, бибер
- жолчки за премачкување
Подготовка:
Спанаќот исчистете го и добро измијте го. Бланширајте го во врела вода пет минути, а потоа исцедете го и ситно исечкајте го. Изматете ги јајцата, издробете го сирењето и измешајте со спанаќот. Додадете сол, бибер, рендано морско оревче, издробениот лук и изматените јајца. Добро измешајте ја смесата.
Загрејте ја рерната на 180. Тавата за печење премачкајте ја со масло и обложете ја со хартија за печење, па корите ставете ги на чиста работна површина.
Првата кора лесно посипете ја со стопен путер и ставете ја во тавче за печење. Покријте со друга, повторно подмачкајте и ставете малку фил. Покријте ја со нова кора, па повторно премачкајте со путер и така додека не се потрошат целиот фил и корите.
Последната кора премачкајте ја со изматена жолчка и печете околу 25 минути, додека не порумени питата.
Пријатно!