Со состојките кои најчесто ги имате во фрижидер, направете ја најдобрата пита досега.
Сигурно сте направиле пита со сирење барем еднаш претходно. Денеска ви пренесуваме малку изменета верзија со додаток на гриз кој се витка како ролат. Лесно се подготвува, брзо се прави, а со јогурт е совршен појадок или вечера.
Состојки:
- 1 пакување кори за пита
- 500 гр сирење
- 2 јајца
- сол, ако сирењето е несолено
За прелив:
- 2 чаши јогурт
- 1,5 чаша масло
- 2 чаши гриз
- 2-3 јајца
- 1 прашок за пециво
Подготовка:
Измешајте ги состојките за премачкување. Јајцата се матат, се додава јогуртот, гризот, прашокот за пециво, на крај се додава маслото и се меша убаво. Измешајте сирење и јајца и посолете по потреба.
Земете една кора и премачкајте ја со премазот од гриз, ставете уште една кора и потоа премачкајте ја, врз неа ставете трета кора и премачкајте ја исто така. На третата кора ставете од филот со сирење, со лажица премачкајте ја врз кората.
Така обложени корите завиткајте ги во ролна. Истото направете го и со остатокот од корите, па наредете ги во плех. Одозгора премачкајте ги со остатокот од филот и посипете ги со сусам, печете на 200 степени околу половина час.
Пријатно!
