Одлично е и кога не постите.
Доколку постите во среда и петок или само на големи празници, ќе ви олесниме да барате посни рецепти. За појадок или вечера можете да направите пита со праз и ориз. Лесно се прави, па дури и да не сте ја направиле питата, нема каде да погрешите.
Состојки:
- 750 гр кори
- 5 страка праз
- чаша ориз
- чаша масло
- чаша кисела вода
- сув билен зачин
- бибер
- сол
Подготовка:
Исчистете го и измијте го празот и исечете го на мали прстени. Пропржете го на масло, посолете малку и додадете сув билен зачин. Сварете го оризот, исцедете го, па додадете го празот, додадете малку бибер и промешајте.
Секоја кора посипете ја со кисела вода и наполнете ја целата кора со филот. Наредете ги корите во подмачкана тава и така додека не се потрошат сите. Не ја полнете последната кора, само попрскајте со масло и кисела вода. Ставете ја питата во загреана рерна и печете ја на 200 степени околу 35 минути.
Пријатно!
